Fasnacht 2019 - 11.3 - 13.3
Sujet:Syt 70 Joor e Sujet Waage - zem Jubiläum dien mer Waggis draage!
Die Aggdyyve uff em Waage:
Daniel, Khoi, Tobi, Mario, Ronny, Myriam, Ronny, Jason/Donna, Peter/Pat, Myriam, Vincent, Corinne
Im Vordraab:
Liz, Anita
Uff em Draggdoor:
Anita (zem Dail)
 Dr Jubiläumswaage sell jo ebbis Bsunders wärde, also mien mer frie aafoo mit Moole... |
||
 und e Stroowaage baue hän mer au no miesse leere. Mir sin jo no nie Waggis gsi. S het amigs mächtig gstupft. |
||
 Wo dr Waage ändlig fertig gsii isch (mir au) hän mer das naddyyrlig miesse fyyre. |
||
 Am Määntig vor em Cortège die obligati Waagefoti am Stainebärg.... |
||
 und grad nomool,... mit de Larve. |
||
 Denn isch s uff e Cortège gange. S erschte (!) Mool als Waggis (usnaamswyys, numme wil Jubiläum isch)... |
||
 Mer hän is Mieh gää mit Intrigiere und Sache (RAEPPLI!!!!) verdaile und dr Plausch gha wie richtigi Waggis.. |
||
 und dr Vordraab het si Dail derzue byydrait mit Goodies fir alli. |
||
 Unser Stroowaage (und dängg mir au) hän e gueti Luegi gmacht. D Orange sin ämel ewägg wie frischi Weggli. |
||
 Dr Cortègehalt am Mittwuche uff em Wettstaiblatz. S het zwor gschifft, äber firs Foti hän mer gstraalt wie wenn d Sunne hät gschiine. Do no "topless".... |
||
 und denne no mit em "Top", d.h dr Larve. |
||
 Denn isch s wyter gange richtig Clarablatz. E Huffe Lyt... So isch s dr Plausch uff eme Waage.... |
||
 und au im Vordraab. |
||
 Do emool e "Waggis"- Sicht: vom Waagen aabe uff d Lyt und dr Rhy |
||
 Zwische dr Börse und unserem Cortègeänd an dr Theaterstrooss hän mer nomool alles gää, dass alles Material.... |
||
 und au no s letschte Räppli unter d Lyt kunnt. |
||
 E leere Waage, e leere Kopf (druurig, dass es scho wiider verbyy isch) aber glygglig im sibte Fasnachtshimmel und scho wiider mit Vorfraid firs näggschti Joor. |